| >Ja? Kritik? Um waas gahts? Wo lauft er? Was isch so schlächt draa?
Hm, ich han en z'Basel gseh im Küchlin, Samstig zobe um 9i und no rund 600 Plätz frei 10 Minute, bevor dr Film aafoht ... das seit doch au scho öppis us :)
D gschicht in Kürzi: Es git e neui Rasse Mensche, sogenannti Mutante, wo alli irgend e spezielli Fähigkeit hän, si chönne durch Wänd laufe, us de Auge Laser schicke, oder, wenn si verwundet wärde, innert Sekunde wieder heile. D Menschheit het Angst vor ene und will, dass si sich registriere miesse (erinneret e chli an dr Gauweiler z'Bayern, wo HIV-positivi het registriere loh welle). Die einte vo de Mutante, aagfiehrt vom Jean-Luc Picard (also däm Schauspieler) wänn dr Menschheit bewiise, dass si wärtvolli Mitglieder vo dr Gsellschaft sin, während anderi, aagfiehrt vom böse Magneto, d Menschheit besiege wänn. Der Kampf entbrennt. Klingt nach Comic-Story, isch es au.
Worum dr Film schlächt isch? s nättischti sin no d Special Effects, d Handlig isch inkoherent, es git Szene, do frogsch di nochhär, was het das im Zämmehang mit em Rescht z bedüte. Vil wird aadütet, wenig erklärt. Und was imene Comic no geil zeichnet sii cha, gseht im Film halt wirklich numme no lächerlich us, wenn zum Bispil dr Magneto, e ungfähr 60 johr alte Typ, miteme griechische Helm uf em Chopf zur Freiheitsstatue uffeschwäbt, s Bei affektiert aagwinklet ... *grin*
Guet, ok, ich kenn d comics nid, vilicht isch er besser, wenn me die kenne würd ... aber eso, hm nei merci, nid nomol, au nid gratis :)
CU,
Apogee |
